CEIP GORONDAGANE HLHI

Agate Deunaren omenez, Gorondagane Eskolako ikasleek, euskal tradizioko jantziak soinean eta makilak eskuan, kantaldia egin dute.

Bat, bi, hiru… ieup!

Aurreratu genizuen bezala, azaroaren 27tik abenduaren 1era bitartean Txorierriko eskoletako ikasleek Euskararen Eguna Sondikan ospatzeko aukera izan dute. Antolakuntza-lanean ibili izan gara eskolan eta, hemendik, eskerrik asko gure eskolara etorri ziren ikasle eta irakasle guztiei, ilusioz eta gogotsu antolatu dugu Gorondagane eskolako kide guztiok zuen harrera eta espero dugu guk bezain ondo pasatu izana.

Hona hemen bideotxo bat: EUSKARAREN ASTEA

Azaroak 25 Emakumeen aukako indarkeria desagerrarazteko Nazioarteko Eguna da eta CEP Gorondagane HLI eskolak bat egin du egun horretako aldarrikapenarekin.

Aurten Txorierriko Euskararen Eguna 2023 Sondikan ospatuko da. CEP Gorondagane HLI eskolak ospakizun horietan parte hartuko du, Mankomunitatearekin eta Udalarekin elkarlanean, antolatzaile gisa.

Ilusioz eta gogotsu ari gara prestaketa-lanetan, Txorierriko gainontzeko eskoletatik etorriko diren ikasleei harrera bikaina egingo diegu eta elkarrekin gozatuko dugu ikuskizunez. Lehen Hezkuntzako seigarren mailako ikasleek egingo dituzte harrera eta agurra, haiek prestatu dute bertsoa eta, horrez gain, herrian antolatuko den bertso-ekitaldian parte hartuko dute. Gainontzeko taldeetako ikasle guztiek euren ekarpena egingo dute prestaketa lanetan eta eskualdeko ikasleek esperientzia zoragarria biziko dute, gure ‘aireportura’ etorriko dira, azafata, pilotu, maleten zinta, hegazkin-pista, gonbidapen…

Hegaldia elkarrekin egingo dute, EUSKARAZ!

Unibertsitateaz kanpoko ikasleak eskolatzeko ikasketa-beka eta -laguntzak

Becas y ayudas al estudio para la escolarización de estudiantes de niveles no universitarios

Kaixo, familia!

Udako oporraldiaz gozatu ostean, iritsi da eskolara bueltatzeko garaia. Pozarren ekingo diogu, elkarlanean. Ongi-etorri guztioi!

¡Bienvenidos al curso 23-24!

Tras el descanso estival, ha llegado la hora de volver a las aulas. Afrontaremos esta nueva etapa con ilusión y armonía. ¡Bienvenidas y bienvenidos!

Sondikako Gorandagane eskolakoak seigarren mailako ikasleek Bizkaia Irratiko Zortziko Txikia irratsaioan parte hartu dute, Bizkaiko Bertsozale Alkarteagaz lankidetzan. Irratsaio horretan, Bilboaldeko ikastetxeetan irratsaiorako prestatzen diren bertsoak entzuten dira.

Prestatutako bertsoetako batzuk eguraldiari buruzkoak izan dira. Edozein bertsozalek ezagutzen dituen bertsolariak ere deskribatu dituzte eta, gainera, jolasteko proposamenak be egin dituzte. Esti Markez abeslariaren kantu bat aukeratu dabe irratsaioa janzteko.

Txorierri eskualdean, urtean herri batek (eta hango eskolak) antolatzen du Euskararen Eguna, aurten Lezama. Ekitaldi ugari antolatu dituzte, animatu zaitezte euskaraz eskualdean gozatzera!